सोनीका स्मार्ट फोन बजारमा

काठमाडौ, वैशाख १० - सोनी मोबाइलको नेपालका लागि आधिकारिक बिक्रेता नेपा हिमा टे्रड लिंकले सोनीको स्मार्ट फोन नेपाली बजारमा ल्याएको छ । सोनी स्मार्टफोन एक्स्पेरिया टीएम जेड नामक उक्त मोबाइलमा पानी नपस्ने कम्पनीले जनाएको छ । विशेष प्रकारमा सुविधा रहेको सेट नेपाली बजारका लागि निकै नै उपयोगी हुने कम्पनीको दाबी छ । मोबाइल सेटमा १३ मेगापिक्सेल क्यामेरा, टिकाउ ब्याट्री, म्युजिक प्लेयर, भिडियो, एचडी डिस्प्ले लगायत सुविधा भएको कम्पनीद्वारा जारी विज्ञप्तिमा उल्लेख छ । उक्त सेटमा एक वर्ष र ब्याट्रीमा ६ महिनाको वारेन्टी दिइएको विज्ञप्तिमा जनाएको छ ।