उत्तर कोरियाले ठूलो भूल गर्दै छ: अमेरिकी विदेशमन्त्री

सोल (एपी), चैत्र ३१ - अमेरिकी विदेशमन्त्री जोन केरीले उत्तर कोरियाले युद्धको कुरा गरेर ठूलो भूल गरिरहेको बताएका छन् । 'परिस्थितिलाई नै उत्तेजक बनाउने गरी उत्तर कोरियाले केही समययता गरिरहेको प्रचार एउटा ठूलो भूलमात्र हो,' उनले भने ।
आणविक परीक्षण गर्ने प्रचारले उत्तर कोरियालाई ठूलो गल्तीतर्फ धकेल्ने धारणा पनि विदेशमन्त्री केरीले राखे । हाल दक्षिण कोरिया भ्रमणरत उनले शुक्रबार संवाददाताहरूसँग उक्त प्रतिक्रिया दिएका हुन् । दक्षिण कोरियाली राष्ट्रपतिप्रति अमेरिकाको सम्मान रहेको पनि उनले बताए । 'दक्षिण कोरियाका राष्ट्रपति पार्क गेन हाइ यस क्षेत्रकै शान्ति र समृद्धिको दृष्टिकोणका साथ आउनुभएकाले उहााको विचारको अमेरिकाले सम्मान गरेको छ,' उनले भने ।
विदेशमन्त्री केरी आफ्नो पहलो एसिया भ्रमणका क्रममा दक्षिण कोरिया पुगेका हुन् । उनले शुक्रबारै दक्षिण कोरियाली राष्ट्रपतिसँ भेटवार्ता गरे ।
उत्तर र दक्षिण कोरियाबीचमा केही समयदेखि विवाद जारी रहेका बेला अमेरिकी विदेशमन्त्री केरी हाल सोल आउनुलाई ठूलो महत्त्वका साथ हेरिएको छ ।
यसैबीच उत्तर र दक्षिण कोरियाबीचको विवाद झनै चर्किएर गएको छ । उत्तरले केहीदिन अघिमात्र संयुक्त औद्योगिक क्षेत्रबाट आफ्ना नागरिक फिर्ता गरेको छ । उसले दक्षिण कोरियाका विरुद्ध शक्तिशाली आणविक अस्त्र प्रक्षेपण गर्ने धम्की दिँदै आएको छ । जवाफमा दक्षिण कोरियाले पनि कडा मात्रामा प्रतिक्रिया दिँदै आएको छ ।
प्रकाशित मिति: २०६९ चैत्र ३१ १०:०७