बलात्कार गर्ने शिक्षक थुनामा

पोखरा, वैशाख १ - फकाएर घुम्न जाउँ भन्दै एक १६ वषर्ीया किशोरीलाई जबर्जस्ती करणी गर्ने तनहुँको ब्यास १ का ३२ वर्षीय जीवन लम्साल कास्की जिल्ला अदालतको आदेशले पुर्पक्षका लागि थुनामा परेका छन् । लम्सालले चैत ३ गते मोटरसाइकलमा किशोरीलाई ल्याएर पोखराको पृथ्वीचोकस्थित सन्तोषी होटलमा राखी डरत्रासमा पारेर करणी गरेका थिए । उनलाई प्रहरीले चैत ४ गते पक्राउ गरी शुक्रबार कास्की अदालतमा मुद्दा दायर गरेको थियो ।