११ महिने छोरालाई अनकण्टार जंगलमा फालेर परपुरुषसँग रात बिताएको खुलासा ( साथ् मा फोटो सहित )

 कुनै आमाले आफूले जन्मदिएका सन्तानलाई जंगलमा ज्युँदै छाडेर पर पुरुषको अंगालोमा बाँधिन जान्छन भन्ने तपाईले कल्पना गर्न सक्नुहुन्छ ? तर यस्ता निष्ठुरी आमाहरु पनि हुन्छन जसले परपुरुषलाई खुसी पार्न बच्चालाई अनकण्टार जंगलमा फालेर हिड्न सक्दा रहेछन ।

चितवनको नारायणगढकी मिना परियार (पौडेल) आफ्नो ११ महिने छोरालाई अनकण्टार जंगलमा फालेर परपुरुषसँग रात बिताएको खुलासा भएको छ । पर्वतको मुडिकुवा गाविसमा पर्ने सिर्सुवाको जंगलमा बच्चलाई छाडेर सदरमुकाम कुश्मामा मिनाले प्रेमीसँग रात बिताएकी हुन् । प्रहरीले आफन्तको सहयोगमा बच्चा जंगलमा फालेको २० घण्टापछि जीवित उद्धार गरेको छ ।

सँधै बच्चा लिएर हिड्ने मिना कुश्मा बजारमा एक्लै हिँडेको देखेपछि स्थानियले प्रहरीलाई खबर गरेका थिए । बागलुङ जिल्लाको पैञ्युपाटा ५ मा माइतीघरबाट आफ्ना प्रेमीलाई भेट्न पर्वतको फलेबास हिंडेकी मिनाले मंगलबार दिउँसो ४ बजे छोरा भिष्म पौडेललाई झाडी र भिरालो स्थानमा छाडेर हिंडेकी थिइन । खोजी गर्ने क्रममा बोकेको पछ्यौरामा बाँधेर छाडेको अबस्थामा झाडीमा बुधबार दिउँसो २ बजे प्रहरी र आफन्तले जिवीतै उद्दार गरेका हुन् ।
मिनालाई अहिले प्रहरीले नियन्त्रणमा राखेको छ । सात बर्षअघि चितवनको नारायणघाटमा बसोबास गर्ने कृष्ण पौडेलसँग अन्तरजातीय प्रेम विवाह गरेकी मिना गत माघदेखि माइतीघरमा बस्दै आएकी थिइन् । माइतीघरमा बस्दा मिनाको फलेवासका एक युवासँग प्रेम सम्बन्ध सुरु भएको थियो । तर ती युवाले बच्चा भएकाले बिबाह गर्न नसक्ने बताएपछि बच्चालाई ज्युँदै जंगलमा छाडेर हिंडेको मिनाले बताएकी छन ।

बच्चाको पर्वत जिल्ला अस्पतालमा उपचार गराई थप उपचारका लागि पोखरा पठाइको छ । बच्चामा निमोनियको संक्रमण देखिएको छ । बच्चालाई जंगलमा छाडेको हुनाले महिलालाई नियन्त्रणमा लिएर ज्यान मार्ने उद्योगमा मुद्दा दर्ता गर्न अनुसन्धान भइरहेको छ ।

मिनाका ५ बर्षिय छोरा किस्मत र ३ बर्षिय छोरा काले पनि मामा घर बस्दै आएका छन् ।