रणवीर र कटि्रनाको बिहेको चर्चा, होला त बिहे ?

बलिउड नायिका कटि्रना कैफ र नायक रणवीर कपुर बिचको सम्बन्धमा दैनिक एउटा न एउटा बिषय बाहिरी रहेको छ । रणवीर र कटि्रना आइफा अवार्ड छोडेर विभिन्न देशमा रमाएको चर्चा सेलाउन नपाउँदै यतिबेला नयाँ खबरले बलिउड बजार तातेको छ ।रणवीर कटि्रनाको बिहेको खबरले सिंगो बलिउड बजारमा नै हलचल मच्चाएको छ । बिहेका लागि नायक कपुर २ बर्ष अघि देखि नै तयार रहेको बताइएको छ । यता नायिका कटि्रना कैफको बिषयमा रणवीरका पिता ऋषि कपुर र आमा नितु कपुर पनि तयार भएको भारतिय संचारमाध्यमले उल्लेख गरेका छन् ।

रणवीर र कटि्रना विगत २ बर्षदेखि निक्कै गहिरो प्रेमसम्बन्धमा रहेको बताइएको छ । यसैले अब यि दुइले आफूहरुको सम्बन्धलाई बिहेमा परिणत गर्ने तयारी गरेका हुन् ।

नायिका कटि्रना कैफ केही दिन अघि आयोजना भएको आइफा अवार्डका लागि मकाउ प्रस्थान गर्न लागेको तस्बिर बाहिर आएको थियो । तर उनी एयरपोर्टबाट मकाउ नगई रणविरसँग होलिडे मनाउन स्पेन तर्फ मोडिएकी थिइन् । यस्तै रणविर केही समय अघि चलचित्र ‘ए जवानी हे दिवानी’को प्रमोशनका लागि लण्डन पुगेका थिए । तर कटि्रना पनि रणवीरसँगै भएकाले दीपिका प्रमोशनका लागि नगएको बताइएको छ । रणवीर र कटि्रनाको सम्बन्ध चलचित्र ‘राजनीति’को छायांकनसँगै सुरु भएको बताइएको छ । नायक सलमान खानसँग सम्बन्ध बिच्छेद भएपछि कटि्रना रणवीरसँग नजिक भएकी हुन् । यि दुइको सम्बन्ध निक्कै अगाडी बढेको प्रष्ट छ । यसैले पनि रणवीर र कटि्रना बिहे बन्धनमा बाधिए भने अचम्म नमान्दा हुन्छ ।